Usah ande bapikia panjang.
Tantangan kawan ambo nangko
Iyolah Sutan Tangah Ari
Mungkin ande tau juo
Bapak mandenyo urang gadang
Mamaknyo urang batuah
Lai kanai undang juo.
Hanyo sabagai itu kini
Kayonyo tinggi dinamo
Gadangnyo tingga digala
Manuruik katonyo sandiri
Indaklah ado itu garan
Untuak dibawo ka galanggang.
Kain baju alah mah lapuak
Sawah ladang lah tagadai
Ameh jo perak lah abih pulo
Inyo tu amuah sato pai
Dek kareh ambo maajak.
Mande: Jokok baitu kato buyuang
Tidak mengapo itu garan
Tidak ande bapikia panjang
Anak surang jadi baduo
Babagi duo malah kalian.
Kain baju ado duo rangkok
Kok indak kan rancak bana
Tidak rasonyo ka mambuek malu
Ayam nan ado duo ikua
Si Kinantan jo Taduang jalak
Kudopun ado duo pulo.
Ameh perak iyo ndak banyak
Tapi buliah dibagi duo
Kok pundi indakkan panuah
27
