Barek ka bawah ado juo
Dariangnyo ado kan nyariang
Ameh urai kasadonyo.
Buyuang Geleang: Ampunlah ambo bundo kanduang
Ado koh panuah ati ande
Malapeh kami nan baduo
Samo binguang kaduonyo
Tidak biaso najak kudo
Tidak pandai mambulang ayam
Kalah sajo nan ka diadoki
Usah manyasa ande isuak.
Mande: Manolah anak Buyuang Geleang
Usah Buyuang rusuah di sanan
Jangan itu nan dirasaukan
Tidak denai kan manyasa
Indak denai ka maupek.
Denai alah tau juo
Jokok Buyuang alunlai mahia
Dek Buyuang indak bapunyo
Balain bana jo anak denai
Si Buyuang Rancak Dilabuah.
Inyo disabuik nan bak kian
Iyo bagala nan bak itu
Ulah dek buruak parangainyo
Sajak satampok dari tanah.
Indak namuah baraja-raja
Apolai mangakok buek
Gilo bamain tangah jalan
Abih ari baganti ari
Gilo mamadek labuah panjang
Kok kudo ado di kandang
Indak pandainyo maracak
Dek ayam ado di pautan
Halaman:Sutan Tumangguang Nan Rancak di Labuah.pdf/30
↓Laman ko alah sah
