Indak panah diadunyo
Indak panah dibulangnyo
Lah panek muluik ko dek mangecek
Indak ado didangakannyo.
Mamintak denai bakch Buyuang
Iyolah Buyuang Sutan Tangah Ari
Usah kalian bagageh pai
Masuak galanggang urang rami.
Dalam sahari duo nangko
Cubo dahulu tangalı halaman
Maracak kudo Sambarani
Sarato kudo Balang Candai
Usah si Buyuang anak denai
Digalakkan paja-paja
Bak gambalo duduak ateh kabau.
Cubo pulo mambulang ayam
Manggili katiaknyo
Mak inyo amuah diadu
Amak tinggi galapuanyo
Usah kalian disabuik urang
Sadang maadu punai tanalı,
Karih jo padang ado juo
Kalian cubo mambuang langkah
Mak den tiliak den pandangi
Usah pulo disabuik urang
Kalian sadang marambah
Marambah samak di tapian
Nan tidak akan manangkih
Nan tagak malongo sajo.
Buyuang Geleang: Jokok baitu kato mande
Mamintak kami pado munde
Bajariah juo malah ande
Maimbau Pandeka Sati
29
