Indak disuruah nyo baraja
Tidak panah inyo mangaji
Apo kandaknyo buliah sajo
Apo pintaknyo dituruikkan.
Dek ketek taranjo-ranjo
Alah gadang tabawo-bawo
Indak dapek dipaso lai
Indak nyo amuah disuruah lai
Inyo basutan di matonyo
Inyo barajo di atinyo
Sasa lah tibo bakeh mande
Tapi apo tenggang, apo kan dayo
Sasa kudian tak baguno.
Pado katiko itu juo
Inyo tuka kain jo baju
Dipakai kompong tanah liek
Turun halaman rumah gadang
Diimbau Bujang Salamaik
Lalu bakato maso itu.
Mande: Mano Buyuang Bujang Slamaik
Dangakan malah kato ande
Anak den suruah den sarayo
Pai ang buyuang kini juo
Katampek inyiak ang Datuak Tumangguang
Minta datang liau kamari
Denai andak barundiang-rundiang
Andak batuluak jo barandai
Tantang mamak ang Sutan Tumangguang.
Bujang Salamaik: Ampun ambo pada inyiak
Segalo titah ambo junjuang
Tapi anyo akan sabuah
Ka mano inyiak tu ambo cari
Tampek nyo ado duo tigo.
31
