Mande: Mano ang Udin Bujang Salamaik
Cari dahulu ka Koto Tinggi
Karumah dang ande kami
Kalo inyo indak di sanan
Cari ka rumah padusinyo
Itan di kampuang Koto Panjang
Kok di sinan indak juo ado
Cari ka Kubu Koto Lamo.
Bujang Salamaik: Ampunlah ambo Inyiak tuo
Kok baitu kato Inyiak
Lah jalehlah tu dek ambo
Ambo barangkek kini nangko.
Mande: Mano Buyuang bujang Salamaik
Dangakan sabuah lai
Dek ado pulo nan takana
Kok baliak Buyuang dari sanan
Bagageh malah Buyuang garan
Mandikan kudo kaduonyo
Samburani jo Balang Candai
Mandikan jo sabun arun
Nak sanang dang atinyo.
Dalam sahari duo nangko
Makan nyo elok-elokkan
Bari talua bari sagu
Daun jaguang satokan pulo
Dek inyo ka bajalan jauah
Ka galanggang puti Gantosari.
Bujang Salamaik: Jikok baitu kato Inyiak
Sanang tu bana ati ambo
Kok Mamak pai ka Galanggang
Tantu ambo dihawonyo
Untuak pangapik-ngapik ayam
Untuak mambali makanan kudo.
Halaman:Sutan Tumangguang Nan Rancak di Labuah.pdf/34
↓Laman ko alah sah
