Bujang Salamaik manari-nari maso itu dek sangaik kagadangan ati.
Mande: O, Udin janyo denai
Dangakan bana kato den ko
Alun tantu ang nang ka pai
Ang alah manari-nari
Karajokan dulu suruah denai
Baru Buyuang pai batanyo
Pado si Buyuang anak denai
Buliah indaknyo buyuang pai.
Bujang Salamaik: 0, Inyiak kato ambo
Ampunlah ambo pado Inyiak
Usah Inyiak berang jo ambo
Sabab ambo bagadang ati
Karano Inyiak nan manyabuik.
Kami lah tau kasadonyo
Dalam rumah gadang nangko
Kato inyiak kato undang
Indak siapo kan manyanggah
Inyiak nan mambuhua mati
Inyiak maitam mamutihkan.
Mande: Lai mah Buyuang tau juo
Mangapo ang alun baranjak
Mamancak manari-nari
Ari basarang patang juo.
Alah bajalan Bujang Salamaik
Barangkek pulo inyo garan
Iyolah. Puti Ameh Urai
Diiliakan labuah nan panjang
Bagageli ka Batipuah Baruah
Mancari pandeka nan baduo
Pandeka Sati Pandeka Rajo.
Dek lamo lambek di jalan
Alah moh sampai inyo garan
33
