Ka rumah Pandeka Rajo
Untuang inyo lai di rumah
Lalu bakato Ameh Urai.
Mande: Mano Adiak Pandeka Rajo
Untuang Adiak lai di rumah
Gadang mukasuik denai datang
Nak minta tolong bakeh adiak.
Pandeka Rajo: Mano Ande Puti Tuo
Gadang ati maliek Ande
Lai tajajak laman ambo
Ado tatingkek janjang lapuak.
Sungguh baitu kato ambo
Heran tacangang ambo garan
Manga Ande bana nan datang
Bundo kanduang dek urang kampuang
Bundo buliah manyuruah urang.
Bujang Salamaik ado pulo.
Mande : Bana pulo kato adiak
Tapi sabagai iko kini
Mangko denai bana nan datang
Kok dapek pinto bakeh adiak
Japuik tabawo kini nangko.
Pandeka Rajo: Kok baitu paralunyo
Ande bana nan manjapuik
Baa bana banyak karajo
Tantu ambo ka pai juo.
Tapi anyo akan sabuah
Apo garan karajo ambo
Apo nan barek nak dipikua
Iyo nan ringan ka dijinjiang
Nak tantu mambawo parsiapan.
Mande: Mano Adiak Pandeka Rajo
Halaman:Sutan Tumangguang Nan Rancak di Labuah.pdf/36
↓Laman ko alah sah
