Mande: Manolah Upiak kato ande
Ande datang baguluik-guluik
Saketek indak ande sangko
Akan kalua idangan Upiak.
Maminto ande pado Upiak
Bawo masuak idangan Upiak
Isuak kok lai batanang-tanang
Denai makan malah di siko.
Upiak: Maminto kami bakeh ande
Lah salaruik salamo nangko
Sakali kini ande naiak
Antah sasek antah bamimpi
Indak patuik itu garan
Ande tolak idangan ambo.
Pandeka Rajo : Ampun ambo Mande kanduang
Dek nasi alah mah talatak
Cubo juo agak sasuok
Antah taraso asam garamnyo
Antah hamba antah tawa
Maklum masakan urang kampuang
Usah bundo manulak sambah
Razaki jangan dielakkan.
Mande: Jiko baitu kato kalian
Sapakaik kalian kaduonyo
Mangajak denai makan di siko
Marilah duduak dakek-dakek
Makan basamo kito garan
Sambia mamintak pado Allai.
Nan diama pacahlah handaknyo
Nan dimakasuik sampai juo
Utang di kito bausaho.
37
