Pandeka Rajo : Bia alun ado nan di ati Indak biaso itu garan Galanggang bajalan duo bulan Antah kok urang alah kakurangan Nan biaso itu garan Iyo balangsuang tigo bulan. Pado pikiran ati denai Maagak kayonyo inyo garan Iyolah Datuak Sido Marajo Sarato puti Ambun Suri Bapak mande dek Gantosari Mungkin galanggang nan kiniko Bajalan sampai anam bulan. Nan elok pado mande ko Iyo itu jiko satuju Iyo adiak Pandeka Rajo Sarato Pandeka Sati Buyuang baraja siang malam Dalam hari sapakan nangko. Siang baraja naiak kudo Sarato mambulang si Kinantan Malam baraja pancak silek Alah kok sanang ati buyuang. Mano mamak Sutan Tumangguang Kato bana mande katokan Eloklah itu kito turuik Amak salamaik badan mamak Masuak dalam galanggang urang. Buyuang Geleang: Bia ambo paja ketek Ingin juo turuik mangecek Dalam rapek saandiko Bari anipun niniak jo mamak Dangakan pulo sambah ambo. 48
