Dalam pado maso itu
Tantang Udin Bujang Salamaik
Baduo jo Simin ka kawannyo
Alah dipasang suluah gadang
Ampek buah kasadonyo
Colok balampu minyak tanah
Di dalam batuang panjang rueh
Tarang alaman saluruahnyo.
Maliek suluah alah iduik
Lah tagak tampak Rancak Dilabuah
Manyambah inyo maso itu
Manyambah maminto izin
Bakeh niniak mamak sarato sumando
Kudian pado mandenyo
Sarato pandeka nan baduo.
Lah sudah malah manyambah
Turuniah inyo ka halaman
Dituruikkan urang nan banyak
Sampiang dibuka maso itu
Dipakai sarawa nan galembong
Sarato baju guntiang Cino.
Pado maso itu kini
Tagaklah mande tangah laman
Pituruikkan gadih duo urang
Saurang dari gadih nantun
Mamacik mundam berisi limay
Sadang nan surang lai
Mamacik talam bareh kuniang
Sarato bungo tujuah ragam.
Ado sabanta antaronyo
Ka tangah Pandeka Rajo
Limau diambiak maso itu
Deitong cukuik tujuah macam
Limau puruik, limau kasturi,
50
