Limau sariang, limau pagaran,
Limau kambiang, limau karatan
Katujuah dangan limau kingkik
Dimasukkan limau dalam mangkuak
Diisi ala sakadarnyo
Diambiak pisau nan tajam
Sambia mangarek mambaco manto.
Lah sudah manto dibacokan
Dibaliakkan limau pado mande
Lalu bagarak mande kanduang
Malimaui urang nan batigo
Nan ka masnak padang sasaran
Pandeka rajo, pandeka Sati
Katigo Sutan Tumangguang
Lah sudah limau dilakekkan
Diserakkan pulo bareh kuniang
Sarato bungo tujuah ragam
Lalu bakato maso itu.
Mande :
Manolah Jin jo Setan
Urang aluih urang bunian
Mambang malam naimbang rimbo
Mailak juolah kalian
Kalian ado maliek kami
Kami indak maliek kahian
Indak dapek mailakkan,
Dek malam iyo ati kalian
Siang-siang nan ari kami
Tapi sungguahpun baitu
Mambana kami bakeh kalian
Usah kami diganggu-gangau
Jangan karsi dianiayo
Mukasuik baiak kami jalankan.
Maimintak ambo kanan banyak
Salain mamak jo bapaknyo
51
