Pinggangnyo indak malayuak
Iyo bak patuang digarikkan.
Tantang rang mudo Buyuang Geleang
Urang lincah urang pakarajo
Sagalo buek dikakoknyo
Iyo ka sawah yo ka ladang
Dek bapaknyo urang ndak bapitih
Dek mande lah bangsaik pulo.
Indaklah panah inyo garan
Baraja baduduakkan guru
Tapi sakadar untuak pamainan
Lah pandai inyo garan
Iyo mamancak jo basilek
Mancaliak si Rancak
Maelo kaki,
Payah inyo manahan galak.
Tantang kapado Ameh Urai
Mande Kanduang dek si Rancak
Maliek anaknyo nan bak kian
Tapanca tampak tangilnyo
Kok indak malu di rang banyak
Mungkin taluluang inyo garan
Babisiak inyo maso itu
Iyo kapado suaminyo
Iyolah Datuak Marajo Lelo.
Mande :
Caliak banalah deck Tuan
Paratikan anak kito
Iyo si Buyuang Rancak Dilabuah
Takah bak urang katakutan
Tampan bak urang kadinginan
Paluahnyo samandi badan
Antah dek malu pado guru
Antah dek latiah ndak biso
Ibo atiden mamandangi.
53
