Kito manyalahkan inyo
Indak namuah baraja-raja
Tapi kito nan salah bana
Indak mamaso sajak ketek
Kini inyo manangguangkan
Dapek malu pado rang banyak.
Dek tuan indak ka baa bana
Anak tuan banyak nan lain
Diambo sangaik tarasonyo
Si Upiak si Buyuang inyo surang.
Datuak Marajo Lelo: Sabalah adiak tantang itu
Iyo Puti si Ameh Urai
Usah tampak adiak manangih
Baeko patah samangaiknyo
Indak kan baa itu garan
Inyo nan baru mudo matah
Alun talambek tu diak kanduang.
Sabagai pulo itu garan
Kandak lah datang dari inyo
Lai inyo kan sungguh-sungguah
Usah lai risau tantang itu.
Tantang sakarang kini nangko
Bareh agak banyak sadiokan
Untuak pandeka nan baduo
Kok piti ambo sadiokan
Kok kurang tambah malah dek adiak::::::
Amak rajin inyo maaja.
Datuak Tumangguang: Ambo lai kamanambah pulo
Ingin ambo indak tabado
Kamanakan jadi urang pandai
Inyo surang tungga babeleang
Limpapeh rumah nan gadang ko.
54
