Kok buliah kandak jo pinto
Tantang Datuak Sidi Marajo
Amuah juo nyo andaknyo
Manarimo jadi manantu.
Ado sabanta kamudian
Barawari Puti Ameh Urai
Mandakek inyo kasasaran
Lalu bakato maso itu.
Mande: Manolah adiak nan baduo
Pandeka Rajo Pandeka Sati
Naiak sabanta ka ateh rumah
Alah panek itu garan
Alah auih tu kironyo
Maaja urang indak biaso
Awak ka kida nyo ka suok
Awak ka suok nyo ka kida.
Pandeka Rajo: Baru sabanta mangurak langkah
Baru sajo maayun tangan
Ande saruah naiak ka rumah
Dek aia alah tahidang
Kanyang nasi alunlai turun
Kok kini ka minum pulo
Nanti sabanta sakatiko
Kami cubo sujuak lai.
Tantang dek ande kanduang
Sarato inyiak nan baduo
Naiak malah ka rumah gadang
Lamo bajuntai atch junjang
Kok masuak angin mande beko
Karajo kito tabangkalai.
Tantang nak Sutan Tangah Ari
55
