Agak gadang mah talamnyo
Bareh putiah manjunjuang di dalamnyo
Duo carano ado pulo
Sabuah barisi siriah langkok
Sabuah barisi pitih.
Mande: Manolah kalian kaampeknyo
Lah panek itu garan
Minumlah aia lah talatak
Cubolah pulo jamba ande
Nak sanang raso kiro-kiro.
Pandeka Rajo: Manolah ande kanduang kami
Baa bana ka auih kami
Baa pulo ka inginnyo
Mamakan hidangan Ande
Nan lamak jarang tasuo
Nan rancak lataknyo ateh talam
Tapi sabuah itu dangai
Manuruik adaik jo limbago
Patuik inyiak nan mandahului
Iyolah inyiak nan baduo.
Datuak Tumangguang: Kok baitu kato kalian
Lah iyo pulo tu mah garan
Bia kani indak panek
Dek ari lah laruik malam
Lah tabik juo mah salero
Mari kito makan basamo.
Lah sudah pulo minum jo makan
Bakato sanan Mande si Rancak.
Mande: Mano adiak Pandeka Rajo
Sarato adiak pandeka Sati
Dek ari lah laruik malam
57
