↓Laman ko alah sah
Mungkin nak pulang adiak dulu
Kok buliah pinto denai
Barisuak pagi baliak pulo.
Itu ado bareh saketek
Dek pitih saketek pulo
Bagi duo malah dek adiak
Barikan bakeh paja-paja.
Pandeka Rajo: Mano ande rumah nan Gadang
Rang tuo Koto Lamo ko
Tungganai Koto Paliang
Kami ko paja-paja ande
Mangapo diupah pulo
Disangko kami urang lain.
Mande: Bukan upah tu diak kanduang
Bukan gaji kami latakkan
Sakadar untuak saraik sajo
Saraik dek urang nan baraja
Nak mampan sagalo patunjuak
Nak mahie kaki jo tangan.
Pandeka Rajo: Kok baitu kato mande
Kami bao malah ka rumah
Barisuak pagi kami baliak.
