Pandeka Rajo : Kok diambo elok bana
Malapeh-lapehkan rangkik badan
Tapi samantangpun baitu
Indaklah buliah itu garan
Mamak duduak di balakang ambo
Katulahan ambo baeko
Indak barani ambo garan.
Sabagai pulo itu kini
Kok ado urang nan maliek
Malunyo tibo bakeh mamak
Indak mahia manunggang kudo.
Indak mangapo itu Tuan
Dek kito sadang dinan langang
Kok tibo beko dinan rami
Turun pulo Tuan daulu.
Baitu juo sataruih nyo
Kalo lah tibo di nan rami
Lah turun Pandeka Rajo
Kok tibo di nan langang
Naiak pulo inyo baliak.
Kalau indaklah baitu
Mungkin patang baru kan sampai
Iyo ka tampek urang baralek
Baralek mancang galanggang.
Pado maso katiko itu
Arifah agak tinggi juo
Baru inyo sampai di sanan
Rancak Dilabuah sarombongan.
Tantang urang dalam galanggang
Maliek ado urang baru
