Abih baranti inyo garan
Iyo manyabuang main padang
Abih tacangang kasadonyo
Mancaliak urang nan datang tu.
Rancaknyo bukan alang-alang
Takah tampan dipandang mato
Sadonyo batanyo-tanyo
Siapo garan rang nan datang.
Barawari si Rajo Janang
Urang si Pangka di Galanggang
Diambiak carano ameh
Disongsong urang nan datang.
Alah turun nyo dari kudo
Pandeka rajo lah ka muko
Diadokkan siriah nan dibawo
Siriah di dalam bagua perak
Disambuik pulo mah carano
Dibawo pado Sutan Tumangguang.
Diambiak malah ujuang siriah
lyo dek rang mudo Sutan Tumangguang
Dibaonyo siriah ka bibia
Galak tasanyum maso itu
Manih sanyum bak gulo pasia
Tatakua tampak Rajo Janang.
Sadangkan inyo laki-laki
Tadayuak maliek sanyum nantun
Apo lai parampuan.
Lah sudah siriah manyiriah
Dibawo masuak galanggang
Diduduakkan dibawah tirai
Dibawah tirai langik-langik
Nan batabia di balakangnyo.
63
