Kok manang inyo manarimo Kok kalah indak mambaia. Untuang kabaiak maso itu Kinantan lai mah manang Taduang Jalak lah manang pulo Untuang pundi ndak usak isi. Alah tampak nan bak kian Datanglah rajo Sutan lain Nan jadi tamu maso itu Minto malawan si Kinantan. Tapi ado ciek saratnyo Inyo maminto itu garan Sutan Tumangguang nan mambulang Dek tadi tampak dek nan banyak Kinantan dibulang dek pandeka. Mandanga kato nan bak kian Tapanca paluah Rancak Dilabuah Alun biaso itu garan Manggili mambulang ayam Tapi manulak ka baalah Malu kapado urang banyak. Ayam dipacik Sutan Tumangguang Tampak bana kaku caronyo Dek ayam lawan lah ka tangah Dilapeh sajo anyo lai Bak malapeli ayam ka lua kandang. Galak badarai bakuliliang Sirah muko Sutan Tumangguang Malu jo apo kan dituntuik Ka siapo awak kan mangadu, Tapi sammantangpun baitu Tulun sabalah ka nan lamah 66 T
