Lah panuah pulo malah mato
Dari anjuang ameh
Anjuang perak
Dari jandela kasadonyo.
Tidak tampan sambarang tampan
Bukan anggun sambarang anggun
Tandingan anggun nan Tungga
Rajo tasabuik dari lauik
Padonan Bujang Cindua Mato
Urang tasabuik daulunyo
Patuik ka jodoh Gantosari
Takah kan panji rumah Gadang.
Tantang rang mudo nan baduo
Tapanca paluah di kaniang
Dek malu dicaliak urang
Talabiah si Buyuang Geleang
Raso ado urang nan mancibia
Manyabuik baju basalang
Sabanyak itu nan mancaliak
Tantu ado juo nan tau.
Alah sabanta nyo bajalan
Lah sampai di kaki tanggo
Lah datang duo gadih-gadih
Mambawo aia dalam gendi
Pembasuah kaki nan baduo.
Alah sudah mambasuah kaki
Naiak garan kaduonyo
Disambuik puti Ambun Suri
Tuanku rajo di dakeknyo.
Ambun Suri: Mano anak Sutan Tumangguang
Ado datang bapak kironyo
Apo kaba, kakak Ameh Urai
Ado kok sehaik-sehaik sajo.
73
