↓Laman ko alah sah
- Ukiran basapuah aia ameh
Disalo-salo aia perak
- Pakai cat itam karangkonyo
Rancak nan bukan alang-alang.
Tantang dek rajo Pandai Sikek
- Iyo di bawah Rimau Campo
Nan kuaso di Batipuah
- Dibawah pulo dek Pagaruyuang
Tapi tagak mamarintah
- Sarupo rajo Duo Silo
Nan Dibuo Sampua Kuduih.
Sarupo pulo itu garan
- Iyo jo Lareh nan Salapan
Nan ado didaerah Pasaman
- Samo pulo kadudukannyo
Iyo jo Lareh nan Kuaso
- Itan di Kubuang Tigo Baleh
Pandai Sikek, Koto Laweh
- Iyo daerah sabalahan
Tapi balain pamarintahan
- Balain duduak rajonyo.
Mangko baname Pandai Sikek
- Bukan dek pandai manyikek abuak
Atau pandai manyikek sawah
- Pandai manyikek banang tanun
Kapandaian turun-tamurun.
Saurang raio Pandai Sikek
- Barasa dari Malako
Kawin jo anak saurang Datuak
- Dari lereang Singgalang tu
Baliau membawo kapandaian
- Sarato alat jo gurunyo
Iyo urang dari Hindu.</poem> }}}
75
