Manangkai ka Pandai Sikek
Karumah Gondon Gantosari.
Mande: Mano ang Buyuang anak denai
Bapikia denai daulu
Barundiang dangan bapak buyuang
Sarato mamak Dt. Tumangguang
Dalam pado itu kini
Baraja juo malah Buyuang
Usah rancak awak sajo
Kadibao ka rumah urang
Pandeka Rajo: Manolah mamak Sutan Tumangguang
Itulah kato sabananyo
Usahlah kito maminang dulu
Banyak tadanga tu dek kami
Waktu makan di balairung sari
Urang maejek rang manghino.
Pandeka Sati: Ambo lai mandanga pulo
Kato-kato nan talompek
Dari alek nan banyak tu
Maklum urang sadang nak iyo
Lah takuik sajo inyo garan
Kok kito ka mandapek
Dek inyo kan kailangan
Sabagai pulo itu Mande
Elok barundiang mande daulu
Iyo jo kakak mande Rubiah
Mande Rubiah Batipuah ko
Banamo Siti Andam Urai.
Kok ambo indak salah caliak
Ado mah inyo maso itu
Dalam ustano Pandai Sikek
Inyo tantu diundang juo
Urang tapandang dalam koto.
