Kok kito maminang kini.
Mangko baitu kato ambo
Nan ambo danga tadi nangko
Tantang si Gondan Gantosari
Bapak mandenyo alah suko
Inyo sendiri tak bariak.
Kito lah samo tau juo
Inyo rancak jarang tandiangan
Tapi nan labiah itu dangai
lyolah kapandaiannyo
Tantang batanun banang makau
Inyolah manjadi guru
Manggantikan nenek jo andenyo
Baitu juo itu garan
Tantang batakaik banang ameh
Bapuluah muriknyo tiok ari.
Manarawang aluih kain ganiah
Gurunyo dari Biaro
Manyulam, manyuji caro kini
Gurunyo dari Koto Gadang
Manganyam kampia nan babungo
Didatangkan urang dari Matua
Babulan-bulan urang tingga
Makan gaji dari ayahnyo.
Sabagai pulo itu garan
Indak samo jo puti lain
Nan ndak namuah turun ka tanah
Sagalo bungo di lamannyo
Iyo campago jo kanango
Sarato mawa jo malati
Inyo sandiri nan mananam.
Kok urang turun ka sawah
Inyo sato bagotong-royong
89
