Baitu juo mande Rubiah
Dangakan juo sambah ambo.
Jiko baraja kato bundo
Alah batekaik ambo sinan
Apo juo bundo kandaki
Kan ambo turuik kasadonyo.
Jiko talalai salamo ko
Indak maraso kabaguno
Dek ande urang kayo
Apo dimintak dapek sajo.
Tapi sabuah pintak ambo
Usah bundo balalai juo
lyo maminang manalangkai
Intan kaulak Pandai Sikek
Mangapo bundo takuik sajo
Alun pai alah babaliak
Alun dicubo bundo takuik
Kok manyasa bundo baeko.
Kok iyo inyo Gantosari
Urang nan elok lua dalam
Tau diadaik jo limbago
Tau jo sarak jo agamo
Inyo kan patuah ka urang gaeknyo
Sabagai pulo bundo kanduang
Lawan tampaknyo sangaik banyak
Umpan sikua panggado saratuih
Jiko talambek kito beko.
Ayam sikua bundo musangnyo banyak
Kok urang mandapek bulu
Ambo mandapek kotorannyo
Padiah tu nanti pado ambo.
Ayam jalak rambaian taduang
91
