Mandjawab Sabai Nan Aluih — mandjawab djo aie mato: „Kamari-mari malah Mangkutak - baa tagak mandjaueh djuo- lah puéh baalang-alang? Baalang-alang baputieh mato — dari pado baputieh mato —eloklah baputieh tulang. Dakek dakek malah kamari— baitukoh urang sajang kabapak - mudjue bana denai baradie,! O, Mangkutak adie’ atjie‘-lah jatim malah kito kini - bapak kandueng ‘ndak ado lai - ditembak Radjo Nan Pandjang - kok ijo waang laki-laki - disiko malu dituntui’ — indak kini pabilo lai!” Lah mandakek Mangkutak Alam — ruponjo takui-takui' alang — mandjaraok kaatjie’ Sabai — manangih manggarueng pandjang - sa- patah indak bakato. Sanan bapantun tukang kaba: „Disangko naneh dipamatang, Kironjo urek saliguri; Disangko paneh sampai patang, Kironjo hudjan tangah hari.” Kununlah Mangkutak Alam - dihimbau-himbau malah bapak - mahimbau sambie maisak — manangih tasadu-sadu. Kabaa pulo Ieh lai — himbau nan indak basaui‘i — singkek tapinto dibapak kandueng - lalok nan tidak djago lai -sanan bakato Mangkutak Alam: „Atjie’ Sabai kakak kandueng den - adok kapado Radjo Nan Pandjang - dilawan indak talawan — injo takato urang bagak - injo tasabui’ bailimu!” Lah sungui’ Sabai Nan Aluih — bakato sambie mandareh: »Akibai’ mandjo sadjak katjie’ - lakek deta mambalah banak = geleng bak geleng tjupak hanjui’ - londjak bak londjak labu dibanam - gilo badjalan_hilie-mudie'! Anak ‘ndak tahu mambaleh guno - awak djantueng hati bapak - tabu sarueh ‘ndjek Mangkutak - buku-bukunjo ‘ndjek si Sabai - lamang sakabueng ‘ndjek Mangkutak - darai-darainjo ‘ndjek si Sabai - kok bapak pai katapian - Mangkutak diateh kudo - si Sabai ditangan kida!”
Sabai menjuruh adiknja dekat-dekat kepadanja dan mentjeritakan, bahwa bapa mereka telah tewas ditembak Radjo Nan Pandjang. Sabai menjuruh Mangkutak menuntut bela. Bertangis-tangisenlah dua beradik. Tatkala Mangkutak menga'takan tak kuasa melawan Radjo Nan Pandjang. karena ia orang berani lagi pula berilmu, bangkitlah amarah Sabai lalu berkata, bahwa sifat pengetjut Mangkutak adalah akibat mandja sedjak ketjil dan tak tahu membalas guna.
42
