8
Kamudiak kaki dilangkahkan disanan dataran Tan djuang Sani landai ranahnjo Kampuang Tangah dibaruah danau tabantang diateh gunuang balirik dihilia labuah tarantang dimudiak sawah badjandjang dibukik tinaman tumbuah itulah nagari Sungai Batang. handak mandjalang Lapeh nan dari panadjunan kampuang Koto Tinggi rumah gadang ba atok idjuak halaman laweh dimukonjo djamua nan sadang dikakakan diateh anak djandjang nan kaduo duduaklah mandeh Sa- riaman pinggalan ado ditangannjo pahalau ajam nan ma hampiri djamua pandang nan hampia ditukia'kan pan- dang nan djauah dilajangkan tampaklah biduak duo tigo ijolah biduak urang dari balai balai Salasa maso itu ta ngaran sadjo njanji djo pantunnjo ditapi danau banjaklah pulo biduak urang mangail ikan. Sadangnjo duduak didjandjang ijolah mandeh Sari- aman anaknjo nan banamo si Sabariah sadangnjo duduak ditangah rumah mahundjua karuang tangah mahadok ka tantang tingkok tangan bagaluik djo sudjian djari ba- main djo pindjahik banang bagaluik djo putaran rendo lah sudah duo halai tarawangnjo lah salasai pulo kok pulang bana suaminjo dari rantau untuak pananti injo datang baitu bana nan dihati pikiran pun djauah maso itu takana ranahnjo Udjuang Gunuang suami bak raso tampak2 musim pabilo ka batamu aia mato giriang gu miriang tjinto batjampua djo taragak sampai bapantun2 maso itu
Salamo pandan baduri, dama tidak palito tidak, lai koh pandjang djuo;
