9
- Salamo kito batjarai,
- Kaba tidak barito tidak,
- lai koh tuan sanang sadjo.
- Silasiah baru baputjuak,
- gumalo ba-darai2,
- pandan diejmbo diruntuahnjo.
- Kasiah nan baru kito susuak,
- dibawo batjarai-tjarai,
- iman didado diruruahnjo
- Surau tigo di Muaro Pawuah,
- Satu Surau urang Tjaniago.
- Susah malapeh dagang djawuah,
- batamu sasudah hari tajo.
Dalam mandeh duduak didjandjang dalam anak barusuah hati dek hati takdie Allah nasib batamu djo suratan datanglah urang dari batuah datangnjo tagopoh2 tabik paluahnjo dek balari kareh hangokanjo turun naia’ lalu sakali kahalaman mahimbau malah hanjo lai:
Kakak kanduang si Sariaman balunkoh kakak mandanga haba tidakkoh kakak malihek alah mudjua kito hanjo lai Pakan Raba’a alah karami alah banjak rang dagang pulang baiakpun djauah djo hampianjo alah bakumpua dinagari si Suman alah pulang puloe dart nagari Bangkahulu pulangnjo fai salamat tidak kurang suatu apo lai batamu nan dihati basuo tjinto djo takdir.
Kini baitulah nan elok adat limbago dini mandapek samo balabo katjitjiran samo marugi elok batandang kakak kakian karumah bundo si Suman Zijarah itu namonyo tanjokan sakik dengan sanangnjo bulish rabawo adat kampuang.
Mandanga kato nan bakkian basiap si Sariaman la-
