11
pek kaba sahiah laikoh Bundo sanang sadjo laikoh sihat badan bundo baitu pulo anak bundo nan banamo si Sabariah laikoh injo dalam baiak apokoh kaba suaminjo dimano injo baniago buliah hambo bakirim surek lai lah tando alamat putiah hati.
Mandanga kato nan bak kian mandjawab si Sariaman: Anak kanduang padja si Suman barakat tolong dari Allah lai lah bundo dalam salamat tidaklah kurang suatu apo badan sihat hatipun sanang korong kampuang salasai pulo koto rami padi mandjadi bundopun dalam kalimpahan tapi samantangpun baitu bak kato pantun urang tuo: Ribawah djo Koto Tanggai katizo djo Sawah Laweh Dutuak alah tagak tahandai mandjo sabinggo libia kaateh
Tjubo pikiahkan dek hang Suman adat limbago dalam kampuang kok adat lai hambo isi limbago lai hambo tuang baranak surang parampuan dari ketek hambo gadangkan sampai umua anam baleh dituruik adac nagari alah hamba djari ka minantu barakat tolong dari Allah dapeklah padja si Pulai.
Sakato niniak djo mamak saijo baliak batimba katadja baiak dilakehken djangan disalah dek nan buruak alah lalu nikah djo kawin dek lamo bakalamoan salamat sadjo pagaulan tidak kurang suatu apo alah tjukup duo bulan panuah mamintak izin injo kadenai handak badjalan hanjo lai karanah ka Udjuang Gunuang dalam nagari Pariaman dek elok niat hatinjo den lapeh injo badjalan
Anak kanduang padja si Suman kicolah bane basu-
