12
daro kok malu samo satuntuik mandapek samo balabo katjitjiran samo marugi nak den kabakan parasaian buliah hang mangirokan sadjak minantu pai badjalan alah limo bulan djo kini kaba tidak barito tidak djangankan kain agak sahalai surek saputjuak tak dikirim pitih sauwang tak dilantiang mada hati den mamikiakan den lihek kiri djo kanan dipandang muko balakang tidak urang nan samalang den urang malapeh anak atau mintuo malapeh pai badjalan badagang kakampuang urang kok tibo musim2njo bakirim djuo injo pulang dihambo sadjo nan tidak kalau den duduak ditangah rumah den pandang anak kanduang den nan banamo si Sabariah injo duduak basaba hati tidak mamikia nan bak kian batambah hatjua tulang sandi kini bak nangko parasaian tolonglah dek anak djo bitjaro kok luko buliah badamak kok sakik buliah barubek.
Mandanga karo nan bak kian mandjawab sanan si Suman bundo kanduang dangakan malah tantangan kato bundo tadi sadjak diawal sampai kaachir dari satu sampai saratuih alah hambo danga samuanjo kini baitu lah nan clok nak buliah sanang hati bundo dangakan nasihat hambo:
Tantangan minantu bundo balumlah bundo marasai parasaian urang badagang buliah den tjurai den papar- kan adopun kami urang badagang untuangnjo ibarat induak ajam mangakeh baru mantjotok badjalan kian kamari mantjatikan tutup kapalo mantjarikan paisi paruik alah hitam pungguang dek bapaneh alah hanguih muko dek bamasak alah panek kaki dek badjalan batamu djo nan elok muko basari hanjo lai. adang2
Kalau batamu dengan rugi mangaluah manahan hari
