19
kiri djo kanan ditengok ditengok urang bahampiran nan samo gadang dengan kau nan samo hilia samo mudiak injo duduak basanang hati pintak buliah kahandak balaku bukan umpamo badan kau. Kini baitulah nan elok pado kita barusuah hati talapeh dibadia patjah nan buruak elok kito buang tjari nan lain kagantinjo sabanjak nangko dagang pulang alah sudah bundo piliah2 alah batamu nan dihati nan sapadan djo badan kau eloklah padja si Suman urang dgang Bangkahulu
Tinggi mahligai radjo Batak
Puti bamain dihalaman
Elok bahuquang samo awak
nan lain banjak halangan
Si Suman injo urang baiak lai bakarib dengan kito bukan sabuah nan manjangkuik alah hampia sadjak dahulu sabaiak itu kato bundo eloklah anak manarimo eloklah duduakkan dalam hati elok tjantumkan dipikiran djanganlah pulo nak bantah buliah salamat badan anak.
Mandanga kato bundo kanduang agaklah si Sabariah tasurok darah didado barombak ruponjo paluah aia mato iriang gumiriang bak maniak putuih pangarang lalu mandjawab hanjo lai bunji tutuanjo sali sadan adang2 ta-putih2:
Bundo kanduang ampunilah hambo mengapo baitu kato bundo tidak den sangko kabaitu den sangko kabaitu den sangko labiah paham bundo den sangko manaruah saba ... lain bana dangakan dek bundo tutua hambo pandjawab bunji kato bundo kalau balain padjawaban ... djo maaf hambo pintak.
Adopun badan diri hambo dari ketek bundo gadang
