20
kan bundo usah bundo gilai dek sajang bundo dianak alah gadang bundo tumpangkan bundo tjarikan hambo suami panumpangkan hidup djo mati katiko injo bundo tarimo tantu di-pikia2 kan bana.
Dangakan bana bundo kanduang kito ba'adat balim-bago kito basarak ba agamo didalam adat minangka-bau talarang bana itu bundo dek sarak apolah lai azab Allah bahajonjo kok hiduik disalai Allah kok ma-ti masuak narako mamutuihkan silaurrahim kito kasurau tijok hari kito baguru siang malam urang alim bakalia-ran buku2pun banjak pulo barisi dengan pangadjaran.
Liheklah buku Sjamsulhidajah tengoklah buku Siti Sawijah panuah pangadja djo pitundjuak untuak urang balaki bini salamo dalam pagaulan batamu sakik djo sa-nang batamu labo dJo rugi hiduik saijo samupakat hi-duik ibarat dalam lauik manampuah pulau kasalamatan.
Nan surang tagak dikamudi nan surang tagak diha-luan ombak gadang angin basiru lajia bakipeh kiri ka-nan tali manali barantangan kok tidak samo2 pandai achirnjo karam ditangah tidak tadjalang tanah tapi.
Kok takuik dilamun ombak tidak diharuang lauik gadang kok sagan disarang angin tidak dipasang laia ka-in kok takuik dilimbua pasang tidak barumah ditapi pantai
Bundo kanduang ampuni djuo alah djadi adat dinagari baiak diateh 'alam dunia tando kuaso Tuhan kito.
Sabuah lai hambo katokan adat hidup ateh dunia adat djuaro alah manang adat saudaga labo rugi adat malapeh gadang djauah buruak djo baiak kabatamu baitu pulo suami hambo kok hanjo niat dihatinjo muka-
