24
tutua hambo pandjanglah ba-lingka2 djauhlah tibo diateh kato putuih hambo barikan adopun kahandak hati bundo tidak dapek hambo palakukan ma'afkan hambo kok baitu.
Sasudah bakato demikian tidak dapek dihubuang lai kato dilarai aia mato tutua dibateh sadu sadan kok banjak bana nan taraso tidak dapek ditambah lai.
Sadanglah dek si Sariaman mandanga tutua anak kanduangnjo malihek anak manangih taraso pulo dalam hati ijo pulo kato anak den bijalah saba den dahulu sadiah pulo raso hati den malihek injo manangih tapi samantangpun baitu kok balun dapek bulan kini den bulan dimuko tidak den guluik den galosang sudah dipikia damikian lalu bakato hanjo, lai injo mandjawab kato anaknjo:
Kalau baitu kato kau mukasuik dihati den naknjo santoso untuang kau sandiri nan manulak tidak dapek den mambantah kok baitu apo buliah buek sanangkan malah hati kau tunggulah maso injo pulang nantikan malah katikonjo djangan handaknjo harok sadjo bak mananti bintang djatuah alah pueh mato maningadah hatilah harok2 tjameh sabuah tidak nan turun kok saba kau baitu kau sandiri nan maraso pulang maklum. bakeh kau.
Ampuni kami kalau salah ma'afkan kami kalau lupo kok tidak elok susun kato2 kalau takurang tolong tambahi namun mukasuik dalam hati sadikik tidak barubah gunonjo kaba kami karang paukua bajang2 diri nasihat pado korong kampuang ingatan bagi nan banjak diputa kaba dahulu sungguah dialiah sanan djuo kıranah ka Udjuang Gunuang dalam djadjahan Pariaman disanan dagang nan banjak buliah dilihek dipandangi apo kara-
