Tjerita
Si Sabariah
Tinggi bukik disubarang,
tampak nan dari tanah sirah,
bakelok rupo kampuang pandan,
ka danau pai manjilam.
geraikan rambuik pulang mandi;
Sarai sarumpun balah2.
Mulonjo kaba hambo karang,
takana kampuang tumpah darah,
paisi njawo djo badan,
paukua timbangan paham,
pahadjuak lautan budi,
barilah ampun kalau salah.
Kaba barito kami danga ado saurang parampuan banamo si Sariaman barumah dikoto tinggi dikida dja- lan panadjunan dalam daerah Sungai Batang anakajo surang parampuan banamo si Sabariah nan elok nan baik budi rupo ejok tampan tibawo tau di ‘adat djo limbago mamuah mandanga patuturan kuek baguru djo baladja na muah kasurau tiok hari tambatan hati ibu bapak lim- pahan sajang niniak mamak buah tucua nan samo gadang hormat pulo kasuami suaminjo urang mudo pulo bana- mo si Pulai urang mudo nan haluih paham pandai ba- gurau samo gadang pangasiah diurang mudo panjajang dianak ketek hormat kapado urang tuo baijua namuah maisi badjalan namuah mairiang.
Dek elok rupo pargaulan sarupo santan djo tang-
