32
sadjo utang dagang pun banjak nan pulang kata salamat dari nagari si Sabariah lai bakirim rabuhua didalam saputangan ijolah kasiah dengan sajang tjinto batjampua djo taragak tantangan bundo kanduang Sutan lai pulo bakirim surek sarato dengan bada masiak tarimo suko itu dek Sutan.
Sudah bakato damikian dibukak bungkusan ketek dikaluakan malah isinjo ikan masiak sarato surek ditarimo suko dek si Pulai alah patang ruponjo hari matohari ruponjo turun alah usai ruponjo balai alah pulang urang nan banjak manudju kampuang masiang? si Pulai bakameh pulo lalulah pulang hanjo lai datang karumah induak samang alah sudah mandi dengan sambahjang alah sudah minum djo makan lalu dibukak surek nantun lalu dibatjo hanjo tai danga isinjo njato2.
Mandapekkan buah hati bundo ubek djariah palarai damam buah hati linapo bakuruang limpapel rumah nan gadang tampek bagantuang dalam kaum tampek manjimpan ameh perak kadjadi mamak padja2 tampek manjarah dalam suku dangakan bana kato bundo:
Sadapek surek bundo nangko sampai ditangan anak kanduang sugiro anak pulang lakeh gadang bahajo nan tadjadi adapun tantang si Sabariah buah hati dek anak kanduang handak mamintak gantiang putuih handak mamintak biang tabuak karano dipaso dek bundonjo dek harok rupo elok urang harok dek ameh perak alah tampak man labih elok tampek manjarahkan untuang na sib.
Alah tampak dagang baru pulang alah tingga sadjo anak kanduang limaulah kalah dek bindalu nagari kalah dek urang dagang si Suman pulang dari djauah da-
