34
Ruso dikabun Sutan Amat
djadjak manukiak batu sandi
Aia mato salamo bangsat
alah panuah sumua tampek mandi
Tidak padi saluluah nangko
Tandjuang Raja djalan kapulang
pandan den sadjo nan tak rampak
Tidak hati sarusuah nangko
hari rajo dagang pulang
badan den sadjo nan tak tampak
Dalam bapantun damikian ado pikiran nan mandabaiak ado buruakpun ado pado mumuak hiduik eloklah pulang balabo sjukur tang dirantau buliah balaku kahandak bundo denai dahulu bia dihetong panggalesan pado Allah pulang pokok tarimo kasih rugi tarimo dengan saba nan pulang wadjib hambo ikuti nak sanang raso paratian.
Duo hari ganok katigo sudah mupakat djo si Tamin mamintak maaf pado kawan sarato tolan djo sahabat lalulah pulang banjo lai.
Sabanjak itu urang dagang si Tamin sadjo nan maklum injo dibari kato bathin apo mukasuik dalan hati hari Isnajan pagi2 tinggalah ranah Udjuang Gunuang ansua babaliak kanagari mandjalang kaharibaan ibu bapak manengok kampuang djo halamen.
Salamo lambek didjalan lapehlah ranah Udjuang Gumuang turun sabanta di Lubuak Aluang pai kakadai urang kumango djualan tjukuik injo disanan manengok kiri djo kanan malenggang hilia djo mudiak ado sabanta padjalanan lalu ditiliak kakadai urang dilihek pisau nankerek pisau radjiah bahulu duo lalu dibili pisau nantun
