↓Laman ko alah diujibaco
43
galan mandanga kato nan bak kian babaliak si Sabariah taruih sakali masuak rumah lalu bakato hanjo lai apo nan tuan himbaukan tadi alah djauah hambo tuan panggia mandjawab padja si Pulai:
Ka-mari2 adiak duduak buliah kito bapadu padan nak sanang raso dalam hati adiak kanduang si Sabariah mamintak hambo dengan sutji sajang sarato tajinto hati kok ado hambo salah silik tangan kok ado nan tarantjah muluik kok ado nan tadorong samuanjo mamintak dimaafkan adik kanduang dangakan bana:
- Kamari hari Salasa
- dibao kapakan limau puruik
- latak dika dai rang Piaman
- dibali anak Bukit Tinggi
- balsbuah kapa dari Padang
- Sampan balajia duo2
- balabuah tantang pulau Pandan
- ditantang kabun Majang Sati
- Adiak kok rasa kamanjasa
- eloklah kiro ganðjua suruik
- hilang rupo takadjuik roman
- randah gensi sabab dikami
- adiak ameh intan bakarang
- kami lojang kanso tambago
- tak dapek untuang disamokan
- elok batulak hambo kini
Dangakan sabuah lai:
- Tarantang kawek ka Batawi
- tarantang lalu kapaseban
- Bari barungkek kapch pandji
- putjuak dilendo daun pawuah
