45
maniru utang tidak marasai nan balajia.
Ampunilah hambo adiak kanduang sajang tapaso kito utak kasiah tapaso kito ungkai.
Mandanga kato nan bak kian tatjangang si Sabariah heran barjampua dengan rusuah lalu manangih hanjo lai aia mato djatuah bak hudjan bak maniak putuih pangarang lalu bakato sali sadan kakak kanduang dangakan bana:
Apokoh sabab tuan baitu mangapo tadorong kato tuan kalau hambo tuan-tinggakan kamano hambo kabagantuang kamano hambo manjarahkan diri tabuang buruak badan hambo djangan baitu kato tuan kok tuan handak badjalan baolah hambo kamano tuan buruak baiak eloklah ganggam badanlah banjak sangsaronjo kok hambo tuan tinggakan dengan siapo hambo duduak ala tingga hanbo dinan lanjah tapi samantang pun baitu tuan kok dapek pangganti hambo tabuang hambo nan buruak itu tak dapek hambo sasa itu tak dapek hambo bantah,
- Taluak bajua labuhan kapa
- Balando duduak djo sikotji
- Bungo lajua kabunlah tingga
- tidak kumbang barulang lai
Mandanga kato nan bak kian si Pulai galak tasanjum aja mukonjo tanang sadjo lalu diambiak malah rokok dihisok rokok sahisok asok mandulang kaudaro lalu bakato hanjo lai:
Adiak kanduang balahan njawa tali djantuang rangkaian limpo mandanga kato adiak nantun barubek njawa dalam badan harapan tumbuah kombali alah tahu hambo dihati adiak kasiah nan tidak basalinduang tapi
