↓Laman ko alah diujibaco
46
samaniang pun baitu kok sajang bana adiak dihambo namuah manakan sakik sanang namuah balaki dagang hino tapi adiak sadjo nan suko bundo kito tak suko lai.
- Malin dimano badjua todak
- naiak sampan turun parahu
- Pakai pedoman hambo tidak
- angin bakisa hambo tahu
- Naiak sampan turun parahu
- balabuah tantang Bilang2
- Alah tigo bulan hambo tahu
- bahaso nan buruak kadibuang
Mandanga kato nan bak kian mandjawab si Sabariah: Batambah rasuah hati hambo.
- Antah tapuang antahpun sadah
- antah diudang Muko2
- mangapo di Sariak dilendokan
- Antah asuang antah pitanah
- antah urang bantji dikito
- mangapo kakak ijokan
Kok bantji bana bundo dikakak ataupun dibadan hambo baolah hambo kamano pai bialah tingga korong kainpuang bialah tingga rumah tanggo tingga tapian tampek mandi kok tabang tuan kalangik kabekkan ham- bo dikaki tuan kok matiz bak kini:
- Tuan mandi hambo manjasuak
- nak samo ba-basah2
- disanan sariak mako sudah
- Tuan mati hambo mangamuak
- nak samo bakalang tanah
- disanan sajang nak sudah
Tadanga dikato itu mandjawab padja si Pulai Itu
