4
sadangnjo duduak didalam rumah 'akal tumbuah sasudah
makan paham tibo paruik barisi sadang dirumah man
deh kanduangnjo lalu bakato sanan si Pulai kapado bun
do kanduang diri manolah bundo djanjo hambo adolah
sabuah nan marusuah alah lamo hambo dalam kampuang
alah sampai pulo hambo babini ijolah mandjadi urang tuo
paham singkek 'akalpun kurang tangan tak ado kapahu.
buang atjok mukasuik tidak sampai atjok kahandak nan
taganggu hiduik 'ibarat anai2 angan2 handak manggi-
riak langik malang ditangkok dek lajang2 dek bangsaik
badan nangko djuo.
Kini bak nangko nan taraso eloklah 'adat hambo turuik limbago elok hambo tuang 'adat didalam nagari kito dek tidak sadang manjadang tidak basawah nan ba djandjang tidak ado harato banjak pado mangurang ma- usa'i eloklah hambo pai badjalan manudju rantau nan lai rami nak buliah sanang didalam hati.
Mandanga kato nan bak kian mandjawab malah bundo kanduangnjo: Anak denai padja si Pulai rumik dek bundo ka mandjawab takuntji lidah ka batutua lihia den bangkak dek bapikia kamari salah tumah rasonjo. Kalau bundo pikiakan bana anak surang laki2 koknjo sakik bundo ditinggakan siapo mantjarikan ubek kalau bundo sıkik taruih sakali mati siapo mandjapuik urang siak kalangang malah rumah hanjo lai tapi samantang pun baitu bundo pikia sabaliak lai anak alah mandjadi urang gadang sumando karumah urang djo apo urang dibari makan tatakaloa nak ka ditarimo urang lalu nikah kawin sakali nasib anaknjo disarahkannjo buruak baiknjo anak tanggung djoapo urang dihidupi banang-
