51
pai di Bubukittinggi alah diparoso malah badannjo ijo lah oleh tuan Dokter baru dibukak ikek pinnggang njawapun tjarai hanjo lai.
Namun sa-bulan2 nantun rusuahlah urang Sungai Barang dukolah urang Sapuluah Koto dimano duduak urang barudiang si Pulai tidak dilupokan kalau ado urang barusiat kapado anak parampuan ataupun anak laki2 tasabuik djuo si Pulai tasabuik sabanjo Sabariah tasabuik tjongkak Sariaman dek olok tumbuablah utang dek tjongkak badan binaso urang saba kasihan Allah urang pahibo dapek dapek rahmat.
Si Pulai injo alah mati si Sabariah alah mati pulo alah samo bakalang tanah alah galap tampan Koto Tinggi alah samak djalan Panadjun alah langang rumah nan gadang kok itu apo buliah buek kok ijo injo nan mati urang nan tingga kok lai insaf lai dikana paruntuangan awak ba Tuhan ateh dunia hiduik mangikuik parentah injo djangan dibao tjongkak diri.
Sabagai lagi akan tambahnjo tahadok pado urang banjak labiah2 pado kaum parampuan djanganlah dunia dipaturuikkan dek dunia mambao sasek takamuko nafsu pantang kakurangan bawa pantang kanrandahan dek sasak raso dalam hati hati hibo batjampua duko tidak dapek ditambah lai tjarito alah tamat pulo akan batutuik buku nangko dangakan pantun djo ibarat :
Harok di ameh perak urang
anak bakasiah handak dipisah
Kok hilang anak nan surang
hati nan tingga kaluah kasah
Haroklah dagang Bangkahulu
