52
digang karantau tak dibilang
Eloh bapikia malah dahulu.
anak nan surang koknjo bilang
Tjaraikan anak dengan si Pulai
lai si Suman kapangganti
Kalau lah salah dimulai
achir kalaknjo susah hati
Siupiak si Sabariah
barumah di Koto Tinggi
dikida djalan Panadjunan
Umua habih djandjilah sudah
samo maningga djo si Pulai
salah badannjo marantangkan
Hari Arba'a pagi hari
sadang rami urang kabalai
sadang kalangang urang dikampuang
Pado batjarai untuang kami
labiah baiak batjamin bangkai
nak sanang hati bundo kanduang
Kalau hiduik dalam nagari
djangan ditiru si Sariaman
Budi haluih akan ditjari
taguahkan pulo 'amal iman
Tirulah piil Sabariah
budinjo haluin paham katudju
nammuah manahan angek dingin
Bia mandapek susah pajah
paham batimbang bataradju
didunia injo tidak ingin
