5
ko pulo djinihajo hiduik kito hiduik 'ibarat induak ajam mangakeh baru mantjotok alah lamo bundo pikiakan.
Si lajok namonjo kumbang,
tabang kalauik api2.
Hilang lanjok tidak ditupang,
'adat baranak laki2.
Tidaklah bando rancang pandjang djo lakeh sadjo hambo djawab dengan sagalo suko hati bundo lapeh anak badjalan tjari dek anak paruntuangan kalau anak lai basungguah hari tidaklah Tuhan akan lupo Tuhan Allah basipat murah apo kahandak ka balaku apo di pintak tantu buliah.
Tapi samantangpun baitu kok djadi anak badjalan manudju rantau nan djauah ingati nasihat mandeh 'adat limbago urang dagang nak buliah anak 'amalkan anak katjarai djo nagari rantau akan dituruik katahui 'adat djo limbago pakaikan paham budi haluih kalau manatap anak disanan bukan uang sadjo nan ditjari baso djo basi tjari pulo katahui angin nan ka mandingin katahui ranggeh nan ka malantiang manjahuak dihilia2 bakato dibawah2 air urang samo disabuak rantiang urang samo dipatah adat urang samo diisi.
Kok djadi anak kapakan,
iju bali balanak bali,
ikan pandjang bali dahulu.
Kok djadi anak badjalan,
ibu tjari dunsanak tjari,
induak samang tjari dahulu.
Kok pandai babungo kambang,
