6 labiah saelok babungo nibuang. Kok pandai bainduak samang. labiah saelok bundo kanduang. Bukan sabuah ka diingati badjalan salangkah ma hadok suruik bakato sapatah dipikiakan satinggi2 ma- lambuang kumbali katanah djuo lan denai bari batali pandjang denai lapeh anak badja- sadjauah2 tabang kumba li kasangka djuo sabuah lai tu anak kanduang: Sabalun anak turun djandjang pandai2 anak baka to elok2 anak batutua ubeklah hati bini anak siupiak si Sabariah suruah basaba injo dahulu baitu pulo djo mintuo nan banamo si Sariaman baolah mupakat niniak mamaknjo bao baijo karik ba'ik dilapeh djo do'a anak turun djandjang pikia pandapek hati bundo kalau tidak kito baitu malangga 'adat tu namonjo kito bakorong djo bakampuang kito bakoto banagari kito ba 'adat ba- pusako kok tidak harato bando alua djo patuik tantu dituruik. Mandanga kato nan bak kian si Pulai : Kalau baitu kato bundo itu hambo tarimo nasihat bundo mandjawab sanan insja Allah baiklah hambo ikekkan dida- lam hati hambo lakekkan dalam pikiran buliah salamatba- dan hambo. Ado antaro duo hari alah langkok rukun djo sja- ratnjo di'amalkannjo pitua mandehnjo didjalang bini djo mamak mamintak izin ka badjalan bakato sanan si Pu- lai kapado si Sabariah hambo bamukasuik ka badjalan, lapeh dek adiak badan hambo lapehlah dengan sutji hati alah sudah hambo pikiakan tidak djauah hambo badjalan hanjo karanah Udjuang Gunuang dalam daerah Pariaman
