-9-
daklah djauah dari labuah ado antaro tigo dapo tampaklah surang parampuan duduak badjuntai dikurisi mahadok kalangkan muko sadang bamain djo kutjapi djiko ditaksia dang umuanjo diagak di patuik2 kiro2 duo puluah tahun sadang ketek mudo matah tampannjo ba- lun basuami.
Dilihek laku parangainjo sapantun dewa dari kajangan muko nan bak bulan panuah rambuik karuik hitam samato bulu mato maningkek kaniang pipinjo kuniang pauh dilajang hitam satitiak nan marusuah bak paneh sadang patang bak ambun turun tangah hari bak manduang ditimpo paneh.
Bakurjak iman sibujuang kutiko manampak padja nantun balasia darah didado dek mato palingan Allah dek hati palingan sjetan tapidjak lontjeng di kaki takadjuik padja nan duduak injo malihek awak mantjaliak samo batamu pamandangan samo2 djatuah kasanubari mandjadi rindu djo dandam tagamba didalam hati tidaklah dapek dihilangkan kudo balari kantjang djuo bakato sanan nan djadi: tapidjak lontjeng di kaki
,‚O bujuang Budjang Salamat siapo namonjo anak rang tadi nan duduak dilangkan rumah asiang bana rupo padja tu", mandjawab Budjang Salamat:
,,Tidak malah tuan tahu kan itu Siti Risani bungo pamenan Kampuang Dalam kambang Kanango djanjo urang itu idaman anak mudo2"
Mandanga djawab si Salamat rinsaulah raso paratian tapi baapo mangatokan ditaruah sadjo dalam hati Salamo lambek nan badjalan hampia katibo hanjo lai ijo dibaringin rimbun daun tantang Kualo Ajia Merah alab tibo injo disanan rami nan bukan alang2 sagalo
