-10-
anak Sutan2 baik anak rang kajo2 bulek kakiun nan balako. Satangah bamain kudo rintang bakudo hilia mudiak satangah barambuang sipak rago rintang bakadja hilia mudiak. satangah bamain tjatua rintang dimedja patjaturan pendeknjo sadjo dikabakan pihak dihari sahari itu sagalo matjam parmainan ataupun matjam kapandaian.
Pihak dianak mudo2 saketek tidak buliah tingga kununlah Sutan Nasarudin alah turun dari ateh bendi malihek hilia djo mudiak sapantun alang kamanjemba mentjaliak kiri djo kanan alah rembang mato dek malihek tak tantu nan kadituruik batjampua hibo dengan rusuah tidaklah hilang didalam hati tagamba djuo dipikiran diruang mato salalu talukih disanubari tantangan anak urang tadi nan tampak ditapi labuah tangiang2 ditalingo bunji kutjapi bansi Tjino tidaklah lupo dalam hati dibao badjalan maso itu kabawah baringin nan rimbun daun tampek badjalan Sutan2 tampek bamain radjo2 dimasuki malah pamainan diambiak anak padjaturan anaknjo intan dengan podi alah bamain maso itu dibawah baringin nantun agak dek Sutan Nasarudin dilihek laku djo parangai kadang2 injo tatagun bakato kawan disanan.
"O tuan sutan nasarudin apo sabab tuan rama-nuang apo sabab tuan managun" saran mandjawab Nasarudin: "Sababnjo hambo dek tamanuang ijolah hambo ragun2 manjiri aka dengan budi mantjari djalan patjaturan", tapi samantiang pun baitu maklum pulang kanan tahu apo takiro maso nantun ijolah kambang kanango nan tampak sakileh sadang lalu tabuahjo sa-
