-28-
rek disimpan dalam saputangan nak djan tahu ibu djo bapak dibatjo surek samo surang sabarih tidak nan tinggu sa ambun tidak nan talampau dibatjo ba ulang2 labiah bak buliah gunuang ameh gadang hati bukan kapalang batambah riang djo sukonjo raso dibibia tapi tjawan susilab hambo mamisalkan dipulangkan sadjo ka nan tahu
Agaklah Sutan Nasarudin pado maso dewaso itu hatilah barok2 tjameh raso kalapeh dari tangan susah- lah awak mamikiakan mandanga buni surek nan datang sandjuang bak tjamin karah didjuluak galah talampau diawai tangan tak sampai alah mabuak dek kiro2 di- baleh surek nan djadi.
,,Adiak kanduang rakanan sajang hubungan tjinto dalam hati nan tidak lupo sasa'at sajang badjalin dalam hati kasiah bagantungan tinggi nan tak lipua dek hudjan nan tak lakang dek paneh basaksi ka Tuhan ki- ta dimuko Kadhi nan barampek sahabat djundjungan alam dimuko Kadhi rabun djali dipanggang kumajan putiah disanan kito banantian alahkoh sanang hati adiak.
Namun sabanta iko kini nan taguriah didalam hati nan takalang didalam mato. surek nan datang dari adiak tantangan karangan djo buatan batali tak buliah dihirik batampuak tak buliah didjindjiang bak katitiran nan elek huni sapantun ajia panjapuhan itu nan marusuah hati dagang.
Dengan basamo iko surek hambo kirimkan sahan- tuak tjintjin tjintjin pusako matonjo intan djo barlian nan tidak lapeh dari tangan ganti mandjalang adiak kan- duang sipatan njawo badan diri mampalihekkan muko nan djaniah sarato hati nan sutji itu nan lai pado
