-31-
„Manolah bujuang Budjang Salamat tolong hantakan surek hambo ka Malaju Kampuang Dalam karumah Kambang Kanango agak sugiro bujuang pulang mandeh djo bapak kok batanjo karadjo banjak balun sudah":
Dek 'arif Budjang Salamat dek anak masak pangadja balun dibimbau injolah datang balun disuruh injolah pai diambiak malah surek mantun dihantakan baguluik2. Namun sabanta padjalanan tjukuik katigo rantang pandjang alah hampia tibo disanan dirumah Kambang Kanango agaklah nan samaso itu nan gadih Siti Risani injo katurun kahalaman kapai katapan mandi didjindjiang tjerek sabuah tangan kida barisi sabun
manjandang handuak djo basahan takanak kabaja targguang badjahik djo masin Singer pakai baukia bakuliliang buatan injo sandiri itu nan kambang maso itu.
Salangkah turun didjandjang tampaklah Budjang Salamat mamegang surek nan saputjuak tasirok darah di dadi tatagun gadih disinan dalam kapado maso itu
surek taundjuak dek Salamat didjawek djo tangan suok sarato mamintak tarimo kasih surek taundjuak Salamat pulang baitu djuo nan biaso.
Lorong kapado Siti Kisami lalu dibukak malah sutek sabantuak tjintjin nan basuo diambiak saran nan djadi ditjubokan kadjari manih kironjo saukuran sadjo sampik tidak lapangpun tidak sadang elok patuiknjo tibo tidak dapek dibandiang lai dibatjo pulo surek nan tadi dari awa sampai ka akia tangih sadaran nan rundiang kijasan sadjo nan banjak tahadok kabadan diri awak.
Alab sudah surek dibatjo disimpan dilatji masin [?] djuo nan biaso alah salasai nan bak kian lalu
