-32-
turun kabalaman tibo disumua ditapian disanan nan gadih mandi alah sudah pulo, injo mandi lalu pulang sakali.
Agaklah nan samaso itu harilah patang banjo lai patang badjawek dengan Asar alah tibo wakatu Magrib kok nasi alah basanduak kok kopi alah barisi baitu djuo satiok hari. Alah salasai pulo nan bak kian dibao katangah rumah pado maso dewaso itu alah datang bapak dari balai alah datang mandeh dari ladang alah datang pulo nan bunsu minum makan injo sakali basamo djo anak kanduang.
Agaklah dek Siti Risani sungguahpun awak minum makan susah bana manjabuiknjo djatuah kadalam ajia mato dilua tidak bakasan didalam luluah paratian sajang kok tidak sampai kasiah kok tingga didjalan mambao rusak kabadan diri kasiah tampan kasansai kamudian adang2 lain nan tibo dipikia sabaliak lai dimanuangkan dihati Surang tantangan tjintjin nan sabantuak nana awak tarimo tadi alah buliah awak mamakai labiah bak raso batamu muko nan makan disudahkan djuo mambubua tidak mangasan tidak mangasan mauleh tidak mambuku dipulangkan sadjo ka nan tabu.
Pado sasa'at itu djuo alah sudah minum djo makan dek tjakap bunsu djo nan tangah nan masak pangadja dek mandehnjo kok piriang alah tasimpan tjawanlah masuak kalamari kok rimah alah disapunjo diamibiak tjaranopuan di isi siriah djo pinang dilatakkan ditangah rumah dimuko ibu djo bapak.
Namun salasai nan bak kian pihak nan bunsu djo nan tangah muhun kabiliak katiduran dibantangkan kasua nan djadi´ baduo dengan Siti Rusinah alah tidua
