-33-
sajang baduo. Pihak kapado Siti Risani mato nan tidak namuah lalok kiro2njo badjalan djuo injo ba pikia2 haluih mandanga rahsio mandeh djo bapak aluran kaadan awak siapolah urang nan ditjarinjo nan katolok badan diri laikoh Sutan Nasarudin.
Pihak Tuangku Imam Mudo alah masuak siriah sa- kapua salasai rokok nan sabatang rundiang kalua dek Tuangku kapado mandeh Dajang Daerah : ,,Manolah adiak kanduang denai aluran rundiang nan dahulu kinilah hambo manapati tantangan tunangan anak kito kok lai untuang ka batamu kok lai sasuai parundingan kok lai kito samupakat djo bako injo bana kamanakan kontan dek denai lai patuik pulo rasonjo 'banamo Hamzah Barudin bagala Sutan Bagindo urang ranah Bungo Tandjuang dimudiak Balai nan duo anak Datuak Bunsu Diradjo anak si Pati Ameh Urai kalau dilihek tubuah djo roman raso sasuai djo anak kito alah patuik tunangan siupiak tidaklah salah djo siliaknjo antah kok kito tidak Sapakat tak dapek hambo mamutuihi.
Kok nan pihak Siti Rusinah nan saukua sapaharan nan Sabarih sabaleh nan samo gadang djo injo elok ka bako injo pulo adiak dek Sutan Bagindo Muhammad Zainul Rasjid sakali marangkuah dajuang duo tigo pulau talampau. Sakali mambukak puro duo tigo utang tabajia tatumbuak kadiri denai barek tak buliah hambo sabuik ringan tak buliah dikatokan bandiangkanlah dek kau luruih nak batudjuan hampia nak batantangan nak dapek paham nan satu”.
Sanan mandjawab Dajang Daerah : ,,Manolah tuan bataduang hambo nan sapandang kato dari tuan haluih
