-34-
bak dindiang tjamin datalah bak lantai batu luruih alah batudjuan hampia alah batantangan tidak dapek dibandiang lai alah pandai tuan batenggang hutang anak nan lah lapeh kamanakan manompang pulo lapehlah utang kaduonjo kok disikopun baitu pulo kalau tahadok katangah rumah hambo lah lamo basugiro kok nan lain pulang ka tuan".
Agaklah Dajang Daerah dengan Tuanku Imam Mudo urang nan samo2 pandai samo bidjak kaduonjo lautan aka djo bitjaro pandai batenggang dinan tidak pandai maukua nan tak tampak agak djo agiah mahia bana pakaian baliau maso mudo.
"Panggialah urang dalam kampuang laki2 djo parampuan nan bakarik bakirabat nan djauah naknjo datang nan hampia nak lakeh tibo supajo. karadjo nak lakeh sudah patang Kamih, malam. Djuma'at kito nikahkan anak kito marapulai pulang sakali nak lapeh utang badan kito".
Agaklah Siti Risani pado maso dewaso itu sadang babariang dalam biliak tadanga djuo urang barudiang rundiang paparan mandeh djo bapak disimakkan djuo tjiek2 dirapekkan talingo kadindiang. tasabuik nan katunangannjo banamo Hamzah Barudin bagala Sutan Bagindo.
Sanan tagak bulu kaniangnjo alah tabik paluab dingionjo injolah paniang2 alang bak urang kanai katjang miang malengong kasuok injo maharang mahengong kakida injo mandanguih tampan kahanjuik badan diri hilang lanjok dirantau urang musim pabilo awak kapulang nak sanang ibu djo bapak nak suko urang bakuliliang koklah baitu kaeleknjo koklah baitu ka
